गोरो थोरू बुको भोंवतालो आंङ्गणान्तु
ताका आपडूक जाली इच्छा मनान्तु
खाण दकोवनु हांव ताका आपयलो
खाणाचे मोहान तो लागी आयलो ।
बुकोय हांवय जालीं आत्ममित्रां
मेजे घर जालें ताका सत्र
वारान्त एक पावटी तो येतलो घरकडे
बेस्तोलो वस्सरेचे कवडाकडे ।
दिलेले इतंय तो खातोलो मनान
तळेलें दिल्यार तो अति प्रसन्न
केदनाय चोयल्यार तो शिंकूनु बेसतलो
उतोचि एक मुल्यार वचूनु पडतोलो ।
गांधी मर्दीन तो अहिंसा वादी
जून बुके ताका म्हण्ताय वैरागी
ताजे लागी येतले विंदूरां दया दिसूनु
जालंयारीय ताणे खांवना तांका पिसूणु ।
एक दोनि तीनि मास ते धावले
बुकंयाले विवर मेळना जालें
लागीचे घरवन्ताकडे सोदूनु गेली
दिकूक ताका हांव व्याकुल जाली ।
'तो येतोलो' हांव सोळीना आस
बुक्यान राकीलो मेगेलो विश्वास
तशी तो बुको पोरतूनु आयलो
"तूं उडगासु केलो, हांव धावनु पावलो" ।
No comments:
Post a Comment