नन्दाले घरान्तु गोपी आयल्यांय
कृष्णाली कागळी तान्नि कोरचें आयकाय ।
"यशोदे कृष्णु तुजो खंय आसा तो ?
सौम्यु दिसता पूण महा मस्तो
वेणु नागान आमचे मन हरता
घरान्तु चोणु तो लोणी फारता ।
सन्त निपूनु आमचे घरान्तु चडता
चेरडु-बाळांक सर्वांक संग हाडता
दिकिल्लि लोणी सग फारनु खाता
शेष वर्लीलि मांकडांकय दिता ।
फातर विन्दून आमचे कोळसे फोडता
गोपी जनांक सर्वांक खेळु करता " ।
कोपान यशोदेन बेत काडळे
आवसूक थंड कोरूक कृष्णान म्हळें
"आवय हांव तुजो भांगरा पूतु
स्नेहु करता माका की तांका तूं ?
खरें तां हांव फ़ारलीना लोणी
मत्सरीं गोपी हान्नि करताय काणी "।
No comments:
Post a Comment