शेणे माम्माक नांकार तां कोपु
खंचे जन्मान्तुलो कळना कोणालो शापु ?
सान -सान सुक्के कायरांक
व्होरनु आडळायतोलो माते फातराक ।
ताका दिकीलारी सगटालीय जीब निपतली
कडकडेवनु जनपद हुमेवनु न्हत्तलीं
महर्षी दुर्वासालोचि तो अवतार
ताजो कोपु सगटांचेरी पडतोलो भार ।
चोगो सीवोंवचाकय जाय ताम्बीडे लुगट
ताका दिकीलारी सूण्या बाल जातले नीट
कोपु आयल्यार तोण्डारि सिंहाले भाव
बड्डीय घेवनु तो खेळतोलो ताण्डव ।
कोपान दोळे ते जातले वडकूळे
भयान जनपद जातले रडकूळे
नंकान्तु थकून तागेले येतोलो धूवोरु
सगटांकय भस्म कोरनु तो उबयतोलो गोबोरु ।
रातीचे येतोलो तो जनांले स्वप्नान्तु
घालनु तळतोलो तांका हून पोडग्यान्तु
ना ते गावान्तु देव कोपु ना सर्प शापु
केवल भय, येतोलो वे शेणे माम्माक कोपु ।
No comments:
Post a Comment