आवसूले गर्भान्तु बेसला जीवु
तगेली विनंती अयकता देवु
"हांगा थकून माका भार्य तू्ं व्हर
तुजी सेवा कोरूक दी आवसर।"
देवाले दयेन लोकान्तु पावलो
आयलोलोय मायेले व्हन्टीन्तु जालो
ना जाले देवाले मात्र स्मरण
मायेले हातान जाले ताजे पोषण ।
भांगरा कुटूको तो जालो आवसूलो
बापसूलो जाल्यार तो मत्यावेलो
रोणु दकयल्यार चेन्द्रेमुय मेळतोलो
मायेकय फोट्टों धोरनु तो बेसलो ।
धा-वीस वर्षां होग्गी धावनु गेलीं
ज्ञानु ताका मेळोलोय माया पावली
"दोनी मित्रांक घेवनु आयल्यां हांव
ईर्षा आनी अहंकार हांगेलें नांव"।
मैत्रीचे आनन्द रस तो पिलो
जैताचे मागलान धांवता तो जालो
वेषु परतून ती आयली बायले रूपान
जालो कुरडो तो तिजे मोहान ।
जाली ताका दोनी सन्तती
सोणु वता जाली मनाची शान्ती
लोभालागी मित्रता दृढ जाली
माया ती चोवनु हासून राबीली ।
वेळाक राबूक आसा वे वेळु ?
कालु ह्यो खेळता कसलो खेळु ?
वर्षप्रायेरि मेळो वैराग्यालो हातु
मायेक स्थान ना जाले ह्रदयान्तु ।
मायेलागी थकून मोचन मेळे
परमात्माले महात्म्य ताका कळे
"देवा हांव करता तुजे नमन
ह्ये लोकान्तु थकून दी माका मोचन ।"
No comments:
Post a Comment