विश्वास

विश्वास सग्ग बंधनाचय आधार

विश्वास सगळे संसाराचे सार

घाली रे देवाक विश्वासाचे हार

करी रे सर्व संकटांचय पार ।

भिण-भिण काळखान्तु भय जतना

मनान्तु भिन्न विचार भरतना

कोण देवारि सग्ग अर्पण करता

विश्वास तागेले रक्षण करता ।

धर्म संकट जीवनान्तु आयले

धैर्य मनाक सोणु गेले

करी रे देवाले नाम स्मरण

विश्वास करयता संकटाचे तरण ।

ना तुका सोयरों ना तुका मित्र

ना तुजेलागी धन ना खंय सत्र

वच रे देवाले शरणान्तु निर्भय

विश्वास दिता तुका अभय ।