आवसु

देवाक नमन कोरचे फूडे

करता तुका वन्दन

प्रार्थनाय प्रयत्नुय कोरनु तूंवे

दिले ह्ये जीवाक स्पन्दन ।



मेजे सन्तोषाचे खातीर

तूंवे केलो सदा त्यागु

मारलो कोपीलो जाल्यारीय

करता तूं माका मोगु ।



कितली बाद दिली हांव

तुजी कितली नींद हरली ?

मेजी सग चूकीय माफ कोरनु

माका मोगान वाडोवनु हाळी ।



चांग बलाव सांगून दीवनु

खरी वाट दकयली

मेजे मनान्तु व्हड विचार भोरनु

उतलेचि ऊंचार पावयली ।



आवय तुजो मोगाचो हातु

दवरि मेजे मत्यारि

मेजे जन्मु तूंवे धन्य केलो

कोटि नमस्कार तुजे चरणारि ।