श्री कृष्णालें तें चैतन्य स्वरूप
भक्त मनान्तुले मोहन रूप
गोकुलान्तूलो तो बाल गोपालु
जालो राक्षसी पूतनेचो काळु ।
मेघवर्णाचे ते् कोमळ गात्र
पत्माक्षा फुल्ला वरी ताजे नेत्र
केसारी बंदिल्यां मोराचे पाक
भारी चंद आसा ताका दिकूक ।
मकर कुण्डळ आसा कानारी
गान्धाचो तीळो आसा निडळारी
दोळ्यान्तु काळे काजल सुवल्यां
गोंवटेरी वैजयन्ती माळा घाल्या ।
वज्राचे कांकण आसा हाताक
भांगराचो पाट्टो आसा कुरटाक
पायांक गागरियां पैंजळ घाल्यां
बाल कृष्णाक पीताम्बर निसयल्यां ।
मनकुटान चोरनु तो बाळु भोंवता
मेजे मन तो चोरु फारनु व्हरता
कृष्णु तो भक्तांचो पालन करता
सर्वय ताका हांव अर्पण करता ।
No comments:
Post a Comment