हांव केवल एक स्त्री
देवता न्हय
मक्काय चुकतले दुकतले
बण्डार हांवय विकारांचि ।।
हांव केवल एक स्त्री
साध्वि न्हय
मूर्ति न्हय हांव सहनाचि
मक्काय सीमा अस्स क्षमेचि ।।
हांव केवल एक स्त्री
वस्तु न्हय
हांवय स्वतंत्र विचारांचि
सपनांक पाक दोव्वोरचि ।।
हांव केवल एक स्त्री
बावलि न्हय
मक्काय अस्स सौन्दर्या रूचि
विङगड वेष भूषेचि ।।
हांव केवल एक स्त्री
अबला न्हय
म्हाजे हत्तान्तुय शक्तीचि
हांवय पीडेचि अणभवीचि ।।
हांव केवल एक स्त्री
अशुद्धा न्हय
म्हाजे भीतर व्हळता रगतचि
सगटां वरि एक मनीहषचि ।।
हांव केवल एक स्त्री
स्त्रीत्ववादी न्हय
पुरुषाधिपत्याचीचि संतति
अन्याया विरुद्ध उल्लोंवचि ।।
हांव केवल एक स्त्री
अज्ञात न्हय
हांवय देवालि सृष्टीचि
एक अंग ह्ये जगाचि ।।
No comments:
Post a Comment