निडळावेलो बोरो?

 

अम्मणक्काले दोऴे वत्ताय कपलान्तु

म्हणता "वेळु जाता वचाक परलोकान्तु"

"इत्ति जालें अक्का ? मनान्तु कसलो विचारु ?

सांग समाधानेन, देवेय सगळो भारु ।"


"गेल्ली गो ती, मेजी मोगाची धूव

हर्द्यारि मेजे चोडोवनु सूव

देवनु गेली ती परजाती मागलान

घाले पेलान्तु अमगेलें नांव ।


कायळ्या पशी काळो- कुंकडा वरी ताळो

बोकडाले खाड - मांकडाले बोड

जाल्ले तिक्का प्रेम ह्यें सग्ग चोवनु

जालान्तु घाल्लो ताणे मागलान भोवनु ।

प्रेमाक ना खंय दोळे अनी कान

प्रेमाक ना कोण व्हड अनी सान

इत्ति सांगप सग्ग निडळावेलो बोरो

गेल्लेली गेल्ली, ह्यो जन्मु कशी पुणी सोरो ।"


प्रेमान मनान्तु वड्डता रान?

राब्बूनु वत्ता बुद्ध्येचे यान?

वेळु बल्लाव की निडळावेलो बोरो?

की निर्बलु तुम्मी ओडिल्लो बोरो ।