पील : बापसु मेजे मन खाताय ह्ये प्रश्न
पूण उत्तर सोदूक असफल ह्यें मन
मानव ते अामका पूर्वज म्हणताय
सग्ग वाटेनय कशी व्यत्यस्त जाताय?
मांकड : परिवर्तनान आमची पर्तली गति
आकारा ओट्टु ती वाडाली मति
भास जालि तांची व्हडी संपत्ति
तशी जाली मानवाली उत्पत्ति ।
पील : सीमित जाली वे रोमाची वाडि ?
तरी खंय गेली तांगेली शेंपडि ?
मांकड : एकाचे वृद्धीन ऊणे जाता अन्नेक
रोमाचे कायरान्तु ह्यें कारण एक ।
मानवु अहंकारान्तु बुडलो
दोन हात पायानचि राज करतोलो ।
शेंपडि सहित ताजी कल्पना करि
अहंकारु वाडतोलो आकाशाचे वयरि ।
पील : बुद्ध्येचे खातीर तोचि वे ज्येष्ठु ?
सर्व जीवां पशी तो वे श्रेष्ठु ?
मांकड : बुद्ध्ये पशी चडीआसा शक्ति
सुखारि तांका व्हडि आसक्ति
सर्वां पशी तांका चडी तां युक्ति
तरी मायेन्तु थकून ना तांका मुक्ति ।
पील : इत्याक देवान पक्षपात केले ?
सग्ग चांगपणय मानवांक दिले ?
मांकड : स्वयं सभ्य म्होणु भोंवचे मानव
दुष्कृतान ते जाताय दानव
रूकय रानय कतोरना घालनु
मांस खाताय निर्दोष मृगांक मारनु
नाका रे आमका ह्यी शक्ति आनी युक्ति
केवल ह्रदय जांवका तीचि आमगेली शक्ति ।
पील : हां! कळे माका आजि व्हड सत्य
संशयु ना माका तेंचि तां तथ्य
आमचेरि थकूनूचि तां मानव जालेले
पूण परिवर्तनान मूल्य तें झोंपून घेतले ।
No comments:
Post a Comment