मेजे मन

मन मेजे मायेन्तु भीतर

खाल धेवनु वता

बुद्द्येक मेजे बंधी कोरनु

आशेचे संग वता

दोळेय कन्नय धंपून दोवोरनु

इच्छा पूर्ती करता

नियंत्रण नत्तिले धावनु भोवनु

विचार मेजे हरता

निर्णय कोरूक ओंसोरु काणु

वाट घुस्पून वता

तत्वांक मेजे निन्दा कोरनु

वायट कर्म करता

मसळी कशी फटवण पोणु

जालांत वचून सिरकता

भ्रमरु कशी भ्रमु लगून 

उजान्तु पोणु लसता

मन तशीचि मोहु कारण

मायाजालान्तु पडता

सुख सोद्दून देवारि थकून 

दूर दूर वता ....